Imprimir

BALONCESTO NA RUA

el . Publicado en Deportes

O Club Baloncesto Seis do Nadal - Coia coa colaboración da Sociedade Deportiva de Navia, e contando co apoio da Concellería de Deportes do Concello de Vigo, organizará o próximo sábado 3 de outubro do 2009 unha Xornada de Promoción do Baloncesto en Navia.

Esta nova actividade fomentada polo Club Baloncesto Seis do Nadal - Coia coa finalidade de achegar o baloncesto ao barrio de Navia terá lugar o próximo sábado 3 de outubro entre as 17:00 e as 20:00 horas na Praza situada detrás do Papo´s na rúa As Teixugueiras.

Nesta xornada de "Baloncesto na Rúa" no barrio de Navia poderán participar tódolos rapaces e rapazas de entre 6 e 14 anos que desexen achegarse ao baloncesto e pasar unha gran tarde practicando e coñecendo este deporte.