A Asociación Veciñal de Navia organiza a I Marcha Ciclista de Navia para o domingo 23 de abril ás 11'00 horas cun percorrido de 12 quilómetros polas rúas e barrios da parroquia, con saida na Alameda da Debesa e meta na nova urbanización de Navia. Ademais sortearánse bicicletas, premios e agasallos entre tódolos participantes.

A I Marcha ciclista de Navia xurde como resposta a necesidade e o desexo de que os novos e futuros habitantes do PAU Navia coñezan ao resto da parroquia e os propios residentes da parroquia coñezan aos novos veciños e o barrio. Coa celebración de actos sociais comúns conseguirase reforzar a unión e coñecemento mútuo entre as dúas particularidades poboacionais da parroquia.