Este ano, por primeira vez en moito tempo, recuperarase na parroquia a celebración dunha festa tradicional galega: a Festa dos Maios. A celebración desta festa comezará o venres 5 e continuará o sábado 6 de maio.

Os actos de celebración comezarán o venres 5 ás 16.00 horas coa confección do Maio nas instalacións da Asociación Veciñal de Navia.

A celebración continuará o sábado 6 a partir das 17.00 horas co paseo do Maio polas rúas e camiños da parroquia acompañado polo canto das coplas compostas para a ocasión.

Na escenificación do paseo do Maio pola parroquia participarán os rapazes do Grupo de Teatro Navia.

Propietarios de vivendas da urbanización do P.A.U. Navia realizaron onte ante a Xunta de Galicia as primeiras denuncias por sobreprezos na adquisición dos seus pisos de protección oficial nun encontro celebrado na sede a Administración autonómica en Vigo, entre os responsables da Consellería de Vivenda e da Asociación Veciñal de Navia.

Os responsables da Consellería de Vivenda decidiron pór facturas e documentación en mans dos inspectores do departamento para decidir o inicio de posibles accións xudiciais.

Texto da carta dirixida ao Concello de Vigo para que recepcione o segundo tramo da rúa Teixugueiras e así responder ás demandas dos veciños que xa residen neste lugar da parroquia de Navia.

Acontinuación o texto da carta:

"En resposta a petición dos veciños da rúa Teixugueiras da Parroquia de Navia, a Asociación Veciñal de Navia, trasladalle ao Concello de Vigo a petición para que igual que se fixo en meses pasados, onde o Concello recepcionou parte da Rua Teixugueiras para que os veciños fixeran uso das suas vivendas, prolongue a petición ao resto da rúa.

Hai centos de veciños coas suas vivendas rematadas e non poden facer uso delas por un problema de entendemento. Neste momento a operación seria moito mais sinxela que a de fai uns meses porque neste momento a Conselleria da Vivenda e Solo ten licitado as obras para repoñer o saneamento estropeado polas constructoras e polo tanto o reparto das responsabilidades estaria asumido."

Navia a 26 de Abril do 2006

Asdo. Xose Sánchez Blázquez
PRESIDENTE